Louisa May Alcott

Si Louisa May Alcott (/ˈɔːlkət, -kɒt/; Nobyembre 29, 1832 - Marso 6, 1888) sarong Amerikanong nobelista asin para-rawit na mas bistado bilang tagasurat kan nobelang Little Women (1868) asin an kasunod kaini na Little Men (1871) asin Jo's Boys (1886).^[1] Siya pinadakula sa New England kan saiyang mga transendentalistang mga magurang na sina Abigail May asin Amos Bronson Alcott, nagdakula siya kairiba an mga sikat na intelektewal asin parasurat na sina Ralph Waldo Emerson, Nathaniel Hawthorne, Henry David Thoreau, asin Henry Wadsworth Longfellow.

An pamilya Alcott nagdanas nin pagsakit pinansyal, kaya habang siya nagtatrabaho para sa saiyang pamilya sa joven na edad, nakakua siya nin inspirasyon sa pagsusurat. Nagpuon siyang makaresibe nin mga positibong kritiko sa saiyang pagsurat puon kan dekada 1860. Sa mga inot niyang taon sa pagsurat, pirmi niyang ginagamit na saiyang gaha na A. M. Barnard, sa irarom kan ngaran na ini nagsurat siya nin mga nobelang para sa mga jovenes na an istorya patungkol sa espiya.

Ipinublikar kan 1868, an Little Women nakabase sa saindang harong sa Orchard House sa Concorc, Massahusetts asin ini manungod sa saiyang mga eksperiyensiya kan siya aki pa kaiba an saiyang tulong tugang na babayi. An nobela magaya-gayang inako kan publiko asin ini sikat pa sa ngunyan bialng sarong nobelang pangaki, ni man nagibuhan na nin mga pelikula.

Si Alcott sarong abolisyonista, feminista asin mayong agom. Siya nagadan sa stroke, duwang aldaw pagkalihis kan pagkagadan kan saiyang ama, sa Boston kan Marso 6, 1888.

1. ↑ Cullen-DuPont, Kathryn (August 1, 2000). Encyclopedia of women's history in America. Infobase Publishing. pp. 8–9. ISBN 978-0-8160-4100-8.